Mickoski: Qarkorja e “Kriva Pallankës” po ndërtohet me dinamikë të plotë

Në fillim, siç është rendi, do të doja t’u uroj të gjithë të krishterëve ortodoksë festën e madhe ortodokse të krishterë, Shën Mërinë e Madhe, ndërsa të gjithë qytetarëve t’u uroj shëndet, mbi të gjitha fat dhe sukses për familjet e tyre, sepse kjo është ajo që është shumë e rëndësishme për të gjithë ne, sepse në këtë mënyrë mund të kemi motivimin për të bërë më shumë, jo vetëm për familjen, por edhe për Maqedoninë, si atdheu ynë.

Njëkohësisht, do të doja të shpreh mirënjohjen time të madhe ndaj nënkryetarit të Qeverisë dhe ministrit të Transportit, drejtorit të Ndërmarrjes Publike ‘Rrugët Shtetërore’, deputetit në parlamentin maqedonas, të gjithë të punësuarve në ministri, në ndërmarrjen publike ‘Rrugët Shtetërore’, ndaj të gjithë atyre që kontribuojnë që Maqedonia sot të ndërtohet si kurrë më parë. Në mbarë Maqedoninë ne kemi mbi 1.200 kantiere ndërtimi — diçka që deri më tani nuk ka ndodhur.”

Më shumë se gjysmë miliard vetëm mjete të financuara nga buxheti qendror për komunat. Nëse praktika në të kaluarën ishte që Maqedonia të vidhej, tani është praktikë që Maqedonia të ndërtohet. Dhe kështu do të vazhdojë edhe në vitet që vijojnë.

Nëse atyre gjysmë miliardë eurove u shtohen projektet që udhëhiqen nga Qeveria në nivel qendror, ato investime kapitale që realizohen edhe përmes Ndërmarrjes Publike ‘Rrugët Shtetërore’, atëherë arrijmë në disa miliarda euro projekte që aktualisht po realizohen, por po ashtu edhe projekte që në vitet që vijojnë do të realizohen.

Ministri i Transportit përmendi rrugën nga Stracin deri në Kriva Pallankë — atë ekspresen. Unë do të doja të them se në pjesën joformale para kësaj deklarate biseduam që po zhvillohet edhe ajo arterie rrugore nga Romanovci deri në Stracin, e cila pritet në periudhën që vjen gjithashtu të jetë pjesë e procedurës publike.

Procedura e tenderit, sepse, siç kuptova, shpronësimi është përfundimisht i kryer, po bëhet revizion i projektit dhe pres që edhe këtu të fillojë furnizimi publik dhe ky projekt të fillojë me realizimin, në mënyrë që nga Shkupi deri në Kriva Pallankë të arrihet për më pak se 45 minuta — diçka që mendoj se është e mirë për qytetarët nga kjo pjesë e Maqedonisë.

Pra, mund të them se me këto festa të mrekullueshme ortodokse të krishtera vijnë edhe lajme të mrekullueshme për qytetarët në mbarë Maqedoninë. Pra, edhe një herë — qofshin të mbara dhe të begata këto projekte të reja që nënkuptojnë rindërtimin dhe vazhdimin e ndërtimit të rrugëve që janë pjesë e Korridorit 8.