Përmbytje në Meksikë, dy të vdekur, pezullohen fluturimet

Dy persona vdiqën në Querétaro, Meksikë qendrore, për shkak të shirave të rrëmbyeshëm që goditën vendin, njoftuan dje autoritetet lokale.

Trupat e viktimave u gjetën pak para mesnatës së të premtes në një zonë të prekur rëndë nga stuhia, sipas Agjencisë së Mbrojtjes Civile.

Querétaro, kryeqyteti i shtetit me të njëjtin emër, i njohur për arkitekturën e tij koloniale, pësoi dëme nga shirat e rrëmbyeshëm, duke i detyruar autoritetet federale të aktivizojnë një përpjekje ushtarake për ndihmë.

Ndërkohë, Aeroporti Benito Juarez i Qytetit të Meksikos, një nga më të ngarkuarit në Amerikën Latine, pezulloi përkohësisht operacionet për shkak të problemeve me dukshmërinë.