QMK: Pas motit të keq i shoqëruar me erëra të forta, në disa pjesë të Qytetit të Shkupit janë shkaktuar dëme materiale

Nga Qendra për Menaxhim me Kriza bëjnë të ditur se nga moti i keq dhe me stuhi të forta në disa pjesë të Shkupit janë shkaktuar dëme materiale, dhe siç shtojnë janë regjistruar zjarre. Nga QMK theksojnë se shërbimet kompetente po e ndjekin situatën me kujdes.

Njoftim i plotë nga QMK

Pas motit të keq i shoqëruar me erëra të forta, në disa pjesë të qytetit të Shkupit janë shkaktuar dëme materiale dhe janë regjistruar zjarre. Shërbimet kompetente po e ndjekin situatën me kujdes, ndërsa Qendra për Menaxhimin e Krizave është në koordinim të vazhdueshëm me të gjitha institucionet përkatëse në terren.

Drejtori i QMK-së, Muhamed Ali, së bashku me shërbimet e përhershme në QMK, i koordinojnë aktivitetet dhe informojnë të gjitha institucionet kompetente për të siguruar ndërhyrje në kohë.

Sipas informatave deri tani, nuk ka persona të lënduar.

I bëjmë thirrje qytetarëve që kanë pësuar dëme materiale ose vërejnë rreziqe të tjera, të njoftojnë menjëherë në numrin e emergjencës 112.