Tetovarët i thanë “JO” Bilall Kasamit, vetëm 318 ndjekës ONLINE (VIDEO)

Oborri i vogël i shkollës fillore “Liria” sonte u mbush me qytetarë të ardhur kryesisht nga Tearca, Bogovina, Çairi dhe Zhelina, por jo edhe nga Tetova. Tetovarët zgjodhën të mos jenë pjesë e aktivitetit të Bilall Kasamit, duke e refuzuar për shkak të zhgënjimeve dhe mashtrimeve të tij gjatë katër viteve të fundit si kryetar i komunës.

Braktisja e tetovarëve ka ndodhur për shkak se Kasami nuk ka përmbushur asnjë nga premtimet e dhëna në fushatën e kaluar: ndërtimin e sheshit të qytetit, parkingjeve me kate, stadiumit të Shkëndijës, fabrikave, si dhe përmirësimin e sistemit të ujësjellësit dhe kanalizimit në fshatra si Reçica dhe Xhepçishti. Këto premtime të pambajtura janë disa nga arsyet kryesore që kanë çuar në braktisjen e tij nga qytetarët tetovarë.

Për më tepër, gjatë mandatit të tij, Kasami është përballur me kritika të forta për shitjen e pronave publike, përfshirë: “Monopoli”, kompaninë publike “NPK” (tashmë e menaxhuar nga Saubermacher), parkingun te Renova, ndriçimin publik, dhe së fundmi, përpjekjen për privatizimin e ujit të pijshëm.

Këto veprime kanë shtuar pakënaqësinë në rritje mes qytetarëve, të cilët duket se i kanë thënë “jo” edhe një mandati të dytë për Kasamin.

Edhe pse hapja e shtabit u promovua në mbi 10 portale dhe faqe të ndryshme në rrjete sociale, numri i ndjekësve nuk e kaloi shifrën prej 318 vetash, një tregues domethënës për rënien e përkrahjes ndaj tij në qytet.

Mungesa e qytetarëve nga Tetova, Reçica, Xhepçishti dhe Malësia e Sharrit në këtë aktivitet flet qartë për humbjen e mbështetjes në Tetovë./TS/