Arrestohet ylli i “Breaking Bad”

Aktori dhe ylli i serialit “Breaking Bad”, Raymond Cruz, u arrestua në Los Angeles për sulm fizik të lehtë pasi dyshohet se spërkati një grua dhe vajzën e saj me tub uji.

Aktori 60-vjeçar, i njohur për rolet e tij në “Breaking Bad” dhe “Better Call Saul”, thuhet se u përfshi në një sherr jashtë shtëpisë së tij në Silverlake, Los Angeles.

Sipas një burimi pranë tij, incidenti filloi ndërsa Cruz po lante makinën herët në mëngjes të hënën.

Një person kontaktoi policinë duke pretenduar se Cruz e kishte spërkatur vajzën e tyre me ujë. Përfaqësuesi i Cruz-it i ka mohuar që atëherë pretendimet.

Megjithatë, një burim pranë situatës i tha The Mirror se Cruz u kërkoi grave që ishin parkuar pas tij të lëviznin automjetet e tyre kur ato u shfaqën para shtëpisë.

Më pas ata telefonuan policinë duke pretenduar se Cruz e kishte kthyer tubin kundër tyre, dhe ankuesi këmbënguli se kjo ishte e qëllimshme, pavarësisht se ai po e lante makinën.

Cruz u dërgua në një stacion policie në Los Angeles, ku u mor në pyetje nën dyshimin për sulm fizik.

Gratë dyshohet se refuzuan ta lëviznin automjetin dhe vendosën ta xhironin atë.

Burimi pohon se aktori u kërkoi atyre të ndalonin filmimin, por ato nuk e bënë.

Prokurori i qytetit ka të ngjarë ta shqyrtojë çështjen për të përcaktuar nëse do të ngrihen akuza penale.