BDI: Projekti i Izet Mexhitit për “fasadat energjetike” – një mashtrim tjetër elektoral (VIDEO)

Nga BDI në një konferencë për media, kanë thënë se projekti i prezantuar sot nga Izet Mexhiti për “fasadat energjetike”, është një mashtrim i ricikluar për fushatë, të cilin projekt e ka premtuar edhe Visar Ganiu në dy zgjedhjet e kaluara.

“E para: Në vitin 2021 Visar Ganiu premtonte “Komunë të Gjelbër” me çati energjetike. Asgjë nuk u realizua. Sot, Mexhiti del me të njëjtën skemë, vetëm duke e ndryshuar emrin – nga çatitë tek “fasadat energjetike”. Pra, jo vizion, por kopjim i dështimeve të veta. E dyta: Ligji kërkon që çdo ndërtesë të ketë Këshill të banorëve ose Menaxher të çertifikuar. Në Çair, 99% e ndërtesave nuk i plotësojnë këto kushte. Mexhiti e di këtë, por mashtron me vetëdije. E treta: Izet Mexhiti fsheh faktin më thelbësor: vetëm 30% e shpenzimeve mbulohen nga Komuna, ndërsa 70% bien mbi shpatullat e qytetarëve. Për një fasadë prej 20.000 euro, secila familje duhet të paguajë rreth 2.000 euro. Një barrë e papërballueshme për shumicën e familjeve në Çair”, kanë thënë nga BDI.

Sipas tyre, Izet Mexhiti dhe Visar Ganiu mendojnë për tenderat, jo për qytetarët.

“Banorëve u ofrohen premtime boshe, ndërsa për dy mandate nuk u realizua asgjë. Qytetarët e Çairit meritojnë zgjidhje reale, të përballueshme dhe projekte që bëhen, jo mashtrime elektorale të radhës”, thonë nga BDI.

Të nderuar qytetarë,
Të nderuar përfaqësues të mediave,

Bashkimi Demokratik për Integrim paralajmëron opinionin publik se projekti i prezantuar sot nga kandidati i VLEN-it, Izet Mexhiti, për “fasadat energjetike” është asgjë më shumë se një mashtrim i ricikluar për fushatë, kopje e fjalëve boshe të dhëna nga ai dhe Visar Ganiu në dy zgjedhjet e kaluara.

E para: Në vitin 2021 Visar Ganiu premtonte “Komunë të Gjelbër” me çati energjetike. Asgjë nuk u realizua. Sot, Mexhiti del me të njëjtën skemë, vetëm duke e ndryshuar emrin – nga çatitë tek “fasadat energjetike”. Pra, jo vizion, por kopjim i dështimeve të veta.

E dyta: Ligji kërkon që çdo ndërtesë të ketë Këshill të banorëve ose Menaxher të çertifikuar. Në Çair, 99% e ndërtesave nuk i plotësojnë këto kushte. Mexhiti e di këtë, por mashtron me vetëdije.

E treta: Izet Mexhiti fsheh faktin më thelbësor: vetëm 30% e shpenzimeve mbulohen nga Komuna, ndërsa 70% bien mbi shpatullat e qytetarëve. Për një fasadë prej 20.000 euro, secila familje duhet të paguajë rreth 2.000 euro. Një barrë e papërballueshme për shumicën e familjeve në Çair.
Përveç kësaj, procedurat burokratike janë të stisura dhe të pamundura: deklarata noteriale, vërtetime nga Regjistri Qendror, fotografi, llogari bankare, nënshkrime masive të banorëve. Një rrjet i qëllimshëm pengesash që e bën projektin praktikisht të parealizueshëm.

Në fakt, gjithçka është e qartë: Izet Mexhiti dhe Visar Ganiu mendojnë për tenderat, jo për qytetarët. Banorëve u ofrohen premtime boshe, ndërsa për dy mandate nuk u realizua asgjë.

Qytetarët e Çairit meritojnë zgjidhje reale, të përballueshme dhe projekte që bëhen, jo mashtrime elektorale të radhës.

BDI fton qytetarët të mos bien pre e këtij mashtrimi politik. Çairi ka nevojë për zhvillim të drejtë dhe të ndershëm, jo për riciklim të dështimeve!