Danimarka: 7.8 miliardë euro për sisteme mbrojtjeje ajrore, në fokus kërcënimi rus

Danimarka po “vendos rrugën” për blerjen e sistemeve të mbrojtjes ajrore me vlerë afërsisht 7.8 miliardë euro, njoftoi të premten Ministria e Mbrojtjes e vendit.

“Ky është investimi më i madh i vetëm në rindërtimin e sistemeve mbrojtëse të Danimarkës deri më sot”, theksohet në njoftim.

Ky është një “prioritet absolut” për forcimin e forcave të armatosura, siç u komentua nga Ministri danez i Mbrojtjes, Troels Lund Poulsen.

“Përvoja nga Ukraina tregon se sistemet e mbrojtjes ajrore me bazë tokësore luajnë një rol kritik në mbrojtjen e popullsisë civile nga sulmet ajrore ruse”, thekson ai.

Danimarka synon të blejë gjithsej tetë sisteme të mbrojtjes ajrore me rreze të gjatë dhe të mesme veprimi.

Po shqyrton, ndër të tjera, sistemin gjerman IRIS-T, i cili është përdorur në Ukrainë. I pari prej tyre pritet të vendoset në Danimarkë deri në fund të vitit 2025.