Dimitrievski: Nuk heqim dorë as nga Kumanova e as nga Qendra

Vetëm në 15 muaj nga formimi i saj, Lëvizja ZNAM për Maqedoninë Tonë është shfaqur si një forcë serioze politike, jo si një projekt i përkohshëm në skenën politike. Në Konventën e mbajtur në Filarmoninë Maqedonase, udhëheqësi Maksim Dimitrievski theksoi se ZNAM po prezanton një koncept, vizion dhe ide që synojnë qeverisje të ndershme dhe të përgjegjshme të shtetit dhe komunave

“Nuk do të heqim dorë kurrë nga Kumanova, as nga Qendra, as nga asnjë vend tjetër në Maqedoni. Lufta jonë është për një shoqëri më të mirë dhe të drejtë”, tha Dimitrievski, duke njoftuar një prani të fortë të ZNAM në të 53 komunat dhe në Qytetin e Shkupit.

Kandidati për kryetar të Qendrës, Miroslav Labudović, tha se po hyn në garë për shkak të besimit se ZNAM mund të sjellë ndryshime.

“Mjaft me kaosin në Qendër – është koha për një fytyrë të re, më të pastër, më të sigurt dhe më të rregullt”, tha ai.

Gjenerali Goranço Kotevski, kreu i listës së këshilltarëve për Qytetin e Shkupit, gjithashtu iu drejtua tubimit me një mesazh për rikthimin e dinjitetit të kryeqytetit.

“Shkupi është në një gjendje katastrofike për shkak të qeverisjes së dobët. Ne jemi të gatshëm të marrim përgjegjësinë për një Shkup më të urbanizuar dhe të organizuar”, theksoi Kotevski.

ZNAM po garon e pavarur në zgjedhjet lokale për herë të parë, me lista për këshilltarë në më shumë se 50 komuna, por edhe me mbështetje të ndërsjellë me VMRO-DPMNE për postet e kryetarëve të bashkive në Kumanovë dhe Qendër.