Masakër në Gaza: 64 palestinezë të vrarë brenda një dite

Të paktën 64 palestinezë janë vrarë në Gaza që nga fillimi i ditës, raportoi Al Jazeera duke cituar burime nga spitalet lokale.
Nga 64 të vrarë, 42 persona humbën jetën në qytetin e Gazës.

Deri në mesditë, spitali Al Shifa raportoi 17 viktima, ndërsa spitali Al Ahli raportoi 25.
Spitali Al Naser në jug të Gazës njoftoi se edhe 16 persona janë vrarë nga sulmet e forcave izraelite.

Vali më i fundit i vrasjeve, kujton Al Jazeera, vjen një ditë pasi Sekretari i Përgjithshëm i Kombeve të Bashkuara, Antonio Guterres, deklaroi se “shkalla e vdekjeve dhe shkatërrimit” në Gaza është më e madhja nga çdo konflikt që ka parë që kur udhëheq OKB-në.