Morën 20.000 euro ryshfet, të akuzuarit në rastin “Geriatria” deklaruan se nuk ndihen fajtor

Dy të pandehurit për ryshfet prej 20.000 eurosh, Muhsin Arifi dhe Blerim Amiti, deklaruan sot se nuk ndihen fajtorë për veprat penale që u ngarkohen.

Sipas aktakuzës, Arifi kërkoi përfitim material prej 20,000 eurosh për të mundësuar shtrimin në spital të një pacienti në gjendje të rëndë shëndetësore. Amiti, i cili më parë e njihte dëshmitarin, ofroi të ndërmjetësonte dhe mori shumën e parave, gjatë së cilës u kap në vend nga policia.

Prokurorja Iskra Haxhi Vasileva theksoi në fjalën e saj hyrëse para gjykatës se rasti është një shembull i korrupsionit të rrënjosur thellë në shoqëri.

“Përmasat dhe intensiteti i korrupsionit janë aq të thella sa na kujtojnë se ato ndikojnë në çdo sferë të jetës sonë”, tha ajo.

Sipas saj, kjo është një kërkesë e drejtpërdrejtë dhe e papërpunuar për ryshfet nga drejtori – një shumë që ishte objekt negociatash, dhe në fund u pranua si minimale për të kryer një veprim zyrtar që përndryshe duhej të kryhej pa kompensim.