Ngritja e një sistemi të plotë të infrastrukturës ujore ka mbështetur në mënyrë efikase zhvillimin bujqësor

Kina ka ndërtuar një sistemin të harmonizuar , të gjithanshëm e me mbulim të plotë të infrastrukturës ujore ,thanë zyrtarët nga Ministria kineze e Burimeve Ujore të hënën në një konferencë shtypi rreth arritjeve të sektorit të administrimit të ujit të vendit gjatë periudhës së 14-të të planit pesëvjeçar (2021-2025).

Ministri i Burimeve Ujore Li Guoying bëri të ditur që deri në fund të vitit 2024, ishin ndërtuar 95 000 rezervuare, 200 projekte të devijimit të ujit në shkallë të madhe e të mesme, 6 924 zona ujitjeje në përmasa të mëdha e të mesme dhe 318 000 kilometra argjinatura.

Me këto projekte të administrimit të ujit, norma e mbulimit kombëtar e rrjetit ujor pritet të arrijë 80.3 për qind deri në fund të vitit 2025, tha Li, duke shtuar se sipërfaqja e ujitur e tokave bujqësore do të arrijë 1.09 miliard mu (rreth 73 milion hektarë), ndërsa norma e depërtimit të ujit të çezmës në zonat rurale në 96 për qind.

Li vuri në dukje që këto përparime luajnë një rol thelbësor në mbështetjen e strategjive kombëtare, stabilizimin e prodhimit të drithërave, sigurimin e të korrave dhe përmirësimin e cilësisë së jetës për popullsinë urbane dhe rurale.

Li theksoi gjithashtu investimet e rëndësishme në administrimin e ujit, të cilat e kaluan pragun 1 trilion juanë për herë të parë në vitin 2022 dhe kanë thyer rekordet historike për tre vjet me radhë.

Duke vënë në dukje që investimet në ndërtimin e sistemit të administrimit të ujit arritën 1.35 trilion juanë (190 miliardë dollarë) vjet, Li tha se investimi i përgjithshëm nga viti 2021 deri me 2025 është parashikuar t’i kalojë 5.4 trilion juanët, që është 1.6 herë më shumë se gjatë periudhës së planit të 13-të pesëvjeçar.

Li shtoi se 172 projekte të mëdha të administrimit të ujit kanë filluar që nga viti 2021, duke optimizuar strukturën, funksionalitetin dhe integrimin sistemor të infrastrukturës ujore.