Nikollovski – Birkland: Dogana është e përkushtuar në fuqizimin e bashkëpunimit tregtar me SHBA-në

Rritje e shkëmbimit tregtar me SHBA-në dhe tërheqja e investimeve të reja janë në fokus të politikave efektive tregtare të cilat i zbaton Drejtoria e Doganave. Në tërësi zbatohen ndryshimet më të reja të Ligjit për Tarifë Doganore – me çka importi me origjinë nga SHBA-ja është liruar plotësisht nga të dhënat e doganave. Kjo ishte porosia kyçe e drejtorit të Drejtorisë së Doganave, Boban Nikollovski në takim me atasheun ekonomik të ambasadës së SHBA-së, Barnabas Birkland dhe këshilltarin ekonomik Jordan Damçevski.

“Kjo vizitë është një mundësi e rëndësishme për të avancuar bashkëpunimin, veçanërisht në realizimin e prioriteteve të përbashkëta – zbatimin e politikave efektive tregtare që do të rrisin vëllimin e shkëmbimit tregtar dhe do të tërheqin investitorë të rinj nga SHBA-ja. Transformimi ekonomik përmes politikave të përmirësuara tregtare dhe luftës kundër krimit dhe korrupsionit është një përparësi strategjike për të dy vendet. Në këto përpjekje, Drejtoria e Doganave luan një rol jetësor duke lehtësuar tregtinë ligjore dhe duke krijuar një klimë më të mirë biznesi dhe duke siguruar rritje ekonomike të qëndrueshme”, theksoi Nikollovski.

Në takim, siç informoi Drejtoria e Doganave, atasheu ekonomik i Ambasadës Amerikane, potencoi se bashkëpunimi i mirë është kyç për progresin dhe konfirmoi se Ambasada e SHBA-së kultivon lidhje të shkëlqyera me Drejtorinë e Doganave – bashkëpunim i cili do të vazhdojë edhe në të ardhmen.