Osmani në takimin e BE-së: Kosova, vendi më pro-evropian e më i sigurt në Evropë

Presidentja e Kosovës, Vjosa Osmani, ka marrë pjesë dje në takimin tradicional të organizuar nga Përfaqësuesja e Lartë e Bashkimit Evropian, Kaja Kallas, me përfaqësuesit e Ballkanit Perëndimor.

Në këtë takim, Osmani theksoi se Kosova mbetet vendi më pro-evropian dhe më i sigurt në Evropë, duke nënvizuar përkushtimin e institucioneve për të ecur përpara në rrugën e integrimit evropian.

“Kosova do të vazhdojë të punojë me përkushtim drejt integrimit në BE, në linjëzim të plotë me politikat e Bashkimit Evropian,” tha Presidentja Osmani.