Pas Vitit të Ri Mickoski pret të marrë garancitë kushtetuese, se nuk do të ketë kushte tjera për në BE

Kryeministri Hristijan Mickoski pret në fillim të vitit të ardhshëm që të lëvizin gjërat në pjesën e garancisë se ndryshimet kushtetuese që do të jenë kërkesa e fundit e rrugës sonë drejt anëtarësimit tonë të plotë në Bashkimin Evropian.

Siç theksoi në takimin e sotëm me gazetarët, pas vizitës së kryetarit të Këshillit Evropian, Antonio Koshta në Sofje, ku porositi se është koha e fundit që Maqedonia të marrë ndonjë garanci se nuk do të ketë kërkesa të reja për vazhdimin në rrugën evropiane, ka pasur bisedime me të dhe janë pajtuar se ndryshimet kushtetuese duhet të jenë kërkesa e fundit në rrugën tonë evropiane dhe të merret ndonjë garanci për to.

“Megjithatë që të realizohet kjo duhet të ketë edhe presion nga ndonjë palë më e fuqishme. Pres lëvizje në fillim të vitit të ardhshëm pas përfundimit të festave të fundvitit në pjesën e dhënies së garancive se ndryshimet kushtetuese do të jenë kërkesa e fundit nga Bullgaria”