Presidenti i Iranit u bën thirrje vendeve myslimane të ndërpresin marrëdhëniet me Izraelin

Presidenti i Iranit, Masud Pezeshkian, sot u bëri thirrje vendeve myslimane që t’i ndërpresin marrëdhëniet me Izraelin.

Pezeshkian i dha këto deklarata para samitit të planifikuar në Doha, si përgjigje ndaj sulmit të Izraelit javën e kaluar ndaj përfaqësuesve të lëvizjes palestineze Hamas në kryeqytetin e Katarit.

“Është e mundur që vendet myslimane t’i ndërpresin marrëdhëniet me këtë regjim fiktiv (izraelit) dhe të ruajnë unitetin dhe kohezionin e tyre sa më shumë që të jetë e mundur”, tha Pezeshkian para nisjes për në Katar.