Qeveria: E hedhim poshtë çdo informim selektiv ose të kufizuar ndaj mediave për informata me interes publik

Me përgjegjësi të lartë duam ta informojmë opinionin në lidhje me qëndrimet e shprehura nga Shoqata e Gazetarëve të Maqedonisë (SHGM).

Theksojmë kategorikisht se në asnjë moment nuk ka pasur informim selektiv të mediave, e as kufizim të qasjes së tyre në informata me interes publik. Bëhet fjalë për një situatë në të cilën një medium para hapësirave të Klinikës për Pulmologji dhe Alergologji ka kërkuar deklaratë, pas së cilës, në frymën e transparencës është dhënë deklarata. Kjo nuk paraqet ftesë zyrtare ndaj një mediumi të vetëm, por praktikë e hapjes ndaj çdo kujt që kërkon informacion.

Në këtë drejtim, me respekt të plotë ndaj komunitetit mediatik, theksojmë se gjithmonë është me rëndësi të jashtëzakonshme që të gjitha mosmarrëveshjet të sqarohen përmes komunikimit të drejtpërdrejtë me institucionet, para se të bëhen kualifikime publike që mund të krijojnë perceptim të gabuar. Vlerësojmë se në këtë mënyrë të paraqitjes së informatave, ekziston mundësi që tek opinioni të mbetet hapësirë për përfundime që nuk janë objektive.

Gjithashtu, informojmë se ekipi qeveritar për marrëdhënie me publikun, në frymën e llogaridhënies së lartë, menjëherë ka hyrë në komunikim të drejtpërdrejtë si me organet kompetente ashtu edhe me mediat dhe ka dhënë sqarime shtesë, me çka edhe njëherë është konfirmuar se parimet e transparencës dhe të qasjes janë prioritet absolut në punën tonë.

Si Qeveri e shfrytëzojmë këtë rast për ta konfirmuar përcaktimin tonë të fuqishëm për shkallën më të lartë të transparencës, bashkëpunimit dhe profesionalizmit. Që nga dita e parë kemi investuar kapacitetet institucionale maksimale për të siguruar qasje të barabartë për të gjitha mediat, informim të përkohshëm dhe llogaridhënie të plotë para opinionit.

Edhe në të ardhmen do të vazhdojmë me këtë praktikë, të bindur se vetëm përmes informimit të saktë, në kohë dhe të plotë ndërtohet besimi, përmirësohet dialogu demokratik dhe garantohet interesi i qytetarëve.