Rritje e fluksit të udhëtimeve në periudhën e festave në Kinë

Kina pritet të regjistrojë një mesatare ditore prej 2 milionë kalimesh kufitare gjatë pushimeve të ardhshme tetëditore të Ditës Kombëtare dhe Festës së Mesvjeshtës, thanë autoritetet të dielën.

Sipas Administratës Kombëtare të Imigracionit (AKI), pikat e kalimit kufitar në mbarë Kinën po përgatiten për një rritje të hyrje-daljeve midis 1 e 8 tetorit, me kulmet e trafikut të parashikuara më 1 dhe 6 tetor.
AKI-ja vuri në dukje se përkimi i dy festave këtë vit, së bashku me politikat e favorshme, si hyrja pa viza dhe rifillimi i fluturimeve, kanë nxitur një kërkesë të fortë për udhëtime ndërkufitare.
Për të përballuar rritjen, administrata ka udhëzuar autoritetet e kontrollit kufitar në të gjithë vendin që të forcojnë monitorimin e flukseve të udhëtimit dhe operacioneve portuale, dhe të koordinohen me departamentet e tjera për të siguruar kryerjen e procedurave të kalimit kufitar në mënyrë të sigurt, efikase dhe të qetë.