Vdekja e një qytetari në Shkup, zbulohet se nuk lidhet me aksidentin rrugor

Më 12.09.2025, në ora 06:10, gjatë kryerjes së veprimeve zyrtare në Kompleksin e Klinikave “Nënë Tereza”, një nëpunës policor nga SPB Shkup ka konstatuar se raporti fillestar për vdekjen e një personi ishte i pasaktë. Sipas raportit, personi kishte vdekur si pasojë e një aksidenti rrugor.

Pas bisedave me personelin kujdestar dhe verifikimeve të tjera, u zbulua se S. B. (58) nga Shkupi kishte ardhur rreth mesnatës pa shenja jete. Pas rreth gjysmë ore reanimim, mjeku kishte konstatuar vdekjen. Personi më parë, më 11.09.2025, kishte shkuar për kontroll, duke u ankuar për dhimbje pas një aksidenti rrugor që kishte ndodhur më 28.08.2025 në rrugën “Boris Trajkovski”, ku ai dhe motra e tij udhëtonin me taksi. Në atë aksident, vetëm shoferja e automjetit tjetër kishte pësuar lëndime të lehta, ndërsa të tjerët nuk ishin lënduar.

Prokurori publik është njoftuar dhe me urdhër të tij është kryer obduksioni i trupit, i cili konfirmoi se vdekja nuk ka ndodhur si pasojë e aksidentit rrugor.