Xi pas telefonatës me Trump: Qëndrimi i Kinës për TikTok është i qartë, bazuar në rregullat e tregut do të gjejmë zgjidhje

Lidhur me çështjen e TikTok, Presidenti Xi Jinping deklaroi se “qëndrimi i Kinës është i qartë” në një telefonatë me homologun e tij amerikan, Donald Trump.

Pekini, sipas një deklarate diplomatike kineze, “respekton vullnetin e bizneseve, i inkurajon ato të zhvillojnë negociata të shëndosha tregtare bazuar në rregullat e tregut dhe të arrijnë zgjidhje që përputhen me ligjet dhe rregulloret kineze, duke siguruar një ekuilibër interesash”.

Në këtë drejtim, Xi “shprehu shpresën e tij se Shtetet e Bashkuara do të ofrojnë një mjedis biznesi të hapur, të drejtë dhe jo-diskriminues për kompanitë kineze që investojnë në vend”.