E ndoti rrugën me baltë, policia në Gjakovë i shqipton gjobë 1 mijë euro kompanisë, 100 euro shoferit

Njësia e Trafikut Rrugor në Gjakovë ka shqiptuar gjobë 100 euro ndaj shoferit të kamionit, ndërsa vetë kompanisë 1000 euro.

Rasti kishte ndodhur më 18 tetorit në rrugën “Wesley Clark” në Gjakovë.

Njoftimi:

Njësia Rajonale e Trafikut Rrugor në kuadër të Drejtorisë Rajonale të Policisë në Gjakovë, po vazhdon me zbatimin e planeve operative për kontrollin e shtuar në trafikun rrugor
Më 18.10.2025, rreth orës 09:00, zyrtarët policorë gjatë patrullimit në rrugën “Wesley Clark” në Gjakovë, kanë vërejtur baltë në rrugë, e cila krijonte vështirësi dhe rrezik për pjesëmarrësit në trafik.

Pas veprimeve hetimore është identifikuar kundërvajtësi dhe ndaj tij është shqiptuar gjobë prej 100 euro, sipas Ligjit nr. 08/L-186, neni 41.3. Po ashtu, ndaj personit juridik në emër të të cilit ishte i regjistruar mjeti motorik, është shqiptuar gjobë prej 1000 euro, sipas nenit 41.2 të të njëjtit ligj.

Njësia Rajonale e Trafikut Rrugor në Gjakovë do të vazhdojë me aktivitete parandaluese për ngritjen e sigurisë dhe vetëdijesimit në trafikun rrugor.