Filipçe drejtuar Mickoskit: Maqedonia nuk është eksperimenti juaj, as vilajeti juaj
Sonte nga Gjevgjelia kam një porosi për Hristijan Mickoskin – Maqedonia nuk është eksperimenti juaj, as vilajeti juaj. Ky është atdheu ynë, shtëpia jonë e përbashkët dhe ne do të luftojmë për të, ne nga LSDM-ja, ne që gjithmonë e kemi ndërtuar shtetin në kriza, në pasiguri, në kohë kur nevojitej guxim, jo populizëm, tha lideri i LSDM-së, Venko Filipçe, nga forumi qytetar sonte në Gjevgjeli në kuadër të fushatës zgjedhore lokale “Luftojmë për shtëpinë tonë”, në të cilin u prezantuan kandidatët për këshilltarë dhe kandidati për kryetar komune, Mile Atanasov.
Siç theksoi Filipçe, LSDM nuk i ka gënjyer njerëzit, por se kanë qenë gjithmonë këtu për ta.
“Dhe ja ku jemi përsëri. Dhe do ta rregullojmë vendin përsëri. Maqedonia po zgjohet. Do ta rikthejmë përsëri ndjenjën se qeveria ekziston për popullin, jo për partinë. LSDM nuk është vetëm një parti. LSDM është një ide, një lëvizje për një shoqëri në të cilën çdo person është i rëndësishëm. Dhe kjo ide po rilind në çdo rrugë, në çdo lagje, në çdo zemër që beson se Maqedonia nuk duhet të dorëzohet”, tha Filipçe.
Ai foli edhe për qeverisjen e VMRO-DPMNE-së gjatë katër viteve të kaluara dhe gjatë kësaj theksoi se në Gjevgjeli është bërë një asgjë e madhe, përveç se janë rritur faturat.
“Në vend që ta lehtësojnë jetën, ata rritën çmimet e jetës së përditshme, duke i lënë qytetarët me shpenzime më të larta. Komuna është tërësisht e distancuar nga nevojat e popullit dhe njerëzve. Prandaj, vota për Mile Atanasovin dhe listën e këshilltarëve të LSDM-së dhe koalicionit është votë për kthimin e komunës në duart e qytetarëve”, nënvizoi lideri i LSDM-së.
Shtoi se kjo luftë nuk është vetëm për Gjevgjelinë, por luftë për të vërtetën, dinjitetin, për të ardhmen e shtëpisë së përbashkët, për Maqedoninë.
“Kohë të vështira kanë ardhur me VMRO-DPMNE-në, ndërsa qytetarët e ndiejnë këtë çdo ditë. Çmimet po rriten çdo ditë, njerëzit po përpiqen të mbushin tavolinat e tyre, ndërsa pagat nuk po qëndrojnë në vend, por po ulen. E gjithë Maqedonia jeton nën peshën e një mashtrimi të madh. Një qeveri që premtoi një jetë më të mirë, por solli varfëri. Një qeveri që në vend që t’i ndihmojë qytetarët, i gënjen. Në vend që të marrë masa, mburret me shifra të rreme. Për ta, gjithçka është vetëm piar dhe propagandë. VMRO-DPMNE nuk ka kujdes, nuk ka empati, nuk ka ndjenjë për popullin, akuzoi Filipçe.
Ai i komentoi edhe treguesit e fundit statistikorë se inflacioni është ulur për 0,2 për qind. Sipas tij, ato janë “hile” statistikore dhe spine me të cilat pozita po bën përpjekje t’i bindë qytetarët se gjithçka është siç duhet, por, siç tha, populli e di si është e vërteta.