Gashi: Kjo fushatë ishte një nga shembujt më të mirë se si praktikohej demokracia në shtetin tonë

Kryetari i Kuvendit, Afrim Gashi, i cili e realizoi të drejtën e tij në zgjedhjet lokale në SHF “Kërste Petkov Misirkov” në Shkup, në deklaratë për media tha se sot është ditë e madhe për demokracinë dhe u uroi faktorëve politikë në shtet për, siç tha, fushatën dinjitoze.

“Sot është ditë e madhe për demokracinë. I përshëndes të gjithë qytetarët. U uroj faktorëve politikë në shtet për fushatë dinjitoze. Mendoj se kjo fushatë ishte një nga shembujt më të mirë se si praktikohej demokracia në shtetin tonë. Deri tani nuk ka pasur asnjë incident gjatë këtyre ngjarjeve. Mendoj se fushatë të tillë nuk kemi pasur deri tani. U uroj të gjithë qytetarëve, por edhe të gjithë faktorëve politikë në shtet për këtë fushatë, të realizuar në mënyrë të tillë”, porositi Gashi.

Gashi bëri thirrje deri te faktorët politikë, institucionet dhe qytetarët ta mbajnë nivelin e deritanishëm të fushatës dinjitoze deri në fund të ditës. U bëri thirrje të gjitha institucioneve në shtet – Komisionit Shtetëror të Zgjedhjeve, monitoring misioneve në shtet, të jenë në vendin e tyre, ta kryejnë punën e tyre në mënyrë më të ndershme dhe me përgjegjësi. Shpreson se kjo ditë do të finalizohet në mënyrën më të mirë të mundur.

U bëri thirrje të gjithë qytetarëve të dalin të votojnë qetë, me bindje të tyre dhe ta shprehin mendimin e tyre për subjektin politik, kandidatin për të cilin mendojnë se më së miri do t’i përfaqësojë gjatë katër viteve të ardhshme.