Gëzim në Gaza dhe Izrael pas arritjes së marrëveshjes historike të paqes

Pas një përparimi të madh në negociatat e paqes pas luftës dyvjeçare, në Gaza dhe Izrael shpërthyen festime.
Në Khan Junis, qytetarët dolën në rrugë duke kërcyer dhe duartrokitur nga gëzimi. Festa pati edhe në disa kampe të zhvendosurve.

Në Tel Aviv, familjet e pengjeve dhe mbështetësit e tyre u mblodhën në “Sheshin e pengjeve”, duke brohoritur “Çmimi Nobel për Trump”. Flamuj amerikanë valëviteshin në shesh, ndërsa njerëzit përqafonin njëri-tjetrin, ngritnin dolli dhe festonin.

Familjet e atyre që ende mbahen peng u panë duke qarë, kënduar dhe brohoritur pas shpalljes së lajmit.