Kasami: Nuk do ta mbështes Deharin në Kërçovë

Bilal Kasami, kandidati i koalicionit VLEN për kryetar bashkie të Tetovës, ka bërë të qartë se nuk do ta mbështesë Fatmir Deharin nga BDI, në garën për kryetar të Kërçovës.

Në një intervistë për Alsat-M, Kasami tha se deklarata e tij e mëparshme ishte keqinterpretuar politikisht dhe nuk kishte të bënte me disiplinimin e kryeministrit Mickoski. Ai argumentoi se gjatë qeverisjes së Kërçovës, Dehari nuk kishte sjellë përfitime për qytetarët dhe ishte i lidhur me regjistrime që komprometojnë integritetin e tij moral.

“BDI e nxori Deharin për të humbur Kërçovën”, tha Kasami, duke shtuar se qyteti tani është përgjysmuar për shkak të keqmenaxhimit.

Ai njoftoi gjithashtu se koalicioni Vlen-i do të mbështeste një kandidat shqiptar, por jo një kandidat të BDI-së, dhe se tani është në përputhje me koalicionin VLEN, i cili de facto mbështet kandidatin e VMRO-DPMNE-së në Kërçovë.