Kim Jong Un planifikon të emërojë vajzën e tij Kim Ju-ae si udhëheqëse të Koresë së Veriut

Sipas analizave të ekspertëve, udhëheqësi i Koresë së Veriut Kim Jong Un po përgatit një tërheqje graduale nga pushteti dhe emërimin e vajzës së tij Kim Ju-ae si udhëheqëse e ardhshme e Koresë së Veriut, raportoi gazeta britanike The Sun.

Kim Jong-un pasoi të atin, Kim Jong-il, pak para vdekjes së tij, dhe ngritja e tij në pushtet është karakterizuar nga një mënyrë brutale e konsolidimit të pushtetit. Me rritjen e raporteve rreth shëndetit të tij, besohet se ai dëshiron ta vendosë vajzën e tij si trashëgimtare pa gjakderdhje.

Eksperti Michael Madden sugjeron që Kim Jong Un dëshiron të shmangë probleme të ngjashme me ato që u përball në fillim të mbretërimit të tij. Analiza nga Komiteti për të Drejtat e Njeriut në Korenë e Veriut sugjeron që emërimi i Kim Ju-ae mund të motivohet si nga shëndeti i udhëheqësit ashtu edhe nga dëshira për një tranzicion të qëndrueshëm.

Në propagandën e fundit të Phenianit, termi “Partia Qendrore” është përdorur simbolikisht për udhëheqësit e ardhshëm, dhe Kim Ju-ae ka filluar të marrë tituj të profilit të lartë, të tillë si “e respektuar” dhe “e ndriçuar”. Ajo shfaqet para babait të saj në fotografi, vesh rroba me tone më të errëta si simbol i fuqisë së lindur dhe merr pjesë aktive në aktivitete diplomatike, duke përfshirë shoqërimin e Kim Jong-un në udhëtimin e tij të parë në Kinë.

Të gjitha këto shenja tregojnë se Koreja e Veriut po e përgatit Kim Ju-ae për një rol udhëheqës në të ardhmen, me qëllim sigurimin e një tranzicioni paqësor të pushtetit.