“Lëvizni shpejt, përndryshe çdo marrëveshje bie poshtë”, Trump paralajmëron Hamasin

Presidenti amerikan Donald Trump ka dhënë një koment të ri lidhur me situatën në Lindjen e Mesme.

“E vlerësoj që Izraeli ka ndaluar përkohësisht bombardimet, për t’i dhënë një mundësi marrëveshjes për lirimin e pengjeve dhe paqes që të përfundohet”, shkruan ai në platformën e tij Truth Social.

“Hamas duhet të veprojë shpejt, përndryshe çdo marrëveshje bie poshtë”, shton ai, raporton BBC.
“Nuk do të toleroj asnjë vonesë – të cilën shumë njerëz e shohin si të pashmangshme – dhe asnjë rezultat ku Gaza të paraqesë përsëri kërcënim”, vazhdon Trump. “Ta mbyllim këtë punë, SHPEJT.”

Ai përfundon: “Të gjithë do të trajtohen me drejtësi!”

Komentet e presidentit vijnë pas tre sulmeve ajrore të kryera këtë mëngjes mbi qytetin e Gazës, ku njëra prej tyre ka shkaktuar vdekjen e një personi dhe plagosjen e disa të tjerëve, sipas burimeve mjekësore të spitalit al-Shifa.