Mickoski: 100 milion euro në projekte infrastrukturore për Koçanin dhe rajonin

Investime në projekte infrastrukturore për Koçanin me vlerë prej 100 milionë euro, njoftoi kryeministri dhe lider i VMRO-DPMNE-së, Hristijan Mickoski, nga tribuna “E ardhmja për Koçanin” që u mbajt sot pasdite në Qendrën Multikulturore.

“Po punojmë me partnerët tanë ndërkombëtarë jashtë transfereve rrjedhëse të financuara nga buxheti qendror për investime kapitale në komuna, vetëm për Koçanin dhe këtë rajon të sigurojmë rreth 100 milionë euro shtesë, para që do t’i investojmë ekskluzivisht në projekte infrastrukturore dhe projekte që do t’i shtojnë vlerë jetës së banorëve të Koçanit dhe këtij rajoni. Do ta përsëris, ky është një program që do të jetë jashtë shpenzimeve rrjedhëse për një periudhë prej katër vitesh, duke filluar nga viti 2026”, theksoi Mickoski.

Sipas tij, shteti dhe Qeveria po bëhen partnerë të komunave si asnjë Qeveri e mëparshme. Në këto 15 muaj, nga buxheti qendror janë ndarë gjysmë miliardë euro për komunat.

“Kjo nuk ishte e lehtë sepse e filluam mandatin me një deficit prej 200 milionë eurosh në llogarinë e Qeverisë. Para 15 muajsh, dita jonë e parë e punës ishte me një deficit prej 200 milionë eurosh. Sigurisht, i kthyem ato, dhe tani jemi diku rreth 50-60 milionë euro në plus, jemi likuidë si shtet dhe Qeveri, e konsoliduam atë situatë pavarësisht të gjitha atyre sfidave: pagat e papaguara të shoqërive aksionare dhe ndërmarrjeve publike, pas së cilës arritëm të shënojmë likuiditet mujor, që është mirë, por në të njëjtën kohë t’i ndihmojmë komunat me gjysmë miliardë euro, diçka që më parë ishte e paimagjinueshme dhe e pamundur. Një pjesë e atyre parave përfundoi edhe në Komunën e Koçanit”, shtoi Mickoski.

Sot, në tribunën në Koçan, u prezantua kandidati për kryetar të Komunës, Vladko Grozdanov. Ai premtoi ndershmëri dhe përkushtim maksimal, vetëm, siç tha ai, në interes të qytetarëve. Projektet për Koçanin janë shkruar, plotësuar, por nuk janë përfundimtare. Ekipet janë vazhdimisht në terren për të dëgjuar sugjerime nga qytetarët dhe ajo që u nevojitet më shumë do të përfshihet në program.

Grozdanov theksoi se nuk premton mrekulli të pamundura, por punë të ndershme, një imazh të pastër dhe projekte për brezat e ardhshëm.

Para të pranishmëve u prezantua edhe bartësi i listës së kandidatëve për këshilltarë të VMRO-DPMNE-së dhe koalicionit, Aleksandar Andov. Ai beson se funksionimi i duhur i këshillit në një komunë është zemra e demokracisë lokale.