Planfikimet afatgjata kanë krijuar zhvillim e qëndrueshmëri ekonomike e sociale

Mbështetur mbi arritjet dhe përvojën e deritanishme , Kina po punon afatgjatë për planin e ri pesëvjeçar 2026- 2030 , siç shkruan CGTN .Plani përfundimtar pritet të zbulohet në mars, në Asamblenë Kombëtare Popullore – legjislatura më e lartë e Kinës – e cila do ta shqyrtojë dhe miratojë këtë plan

Hartimi dhe zbatimi i planeve pesëvjeçare, i ka mundësuar vendit të promovojë zhvillimin e koordinuar ekonomik dhe social në planin afatmesëm dhe afatgjatë.

Kina ka pasur 14 plane pesëvjeçare, të cilat u prezantuan për herë të parë në vitin 1953. Pas nisjes së reformës dhe hapjes në vitin 1978, vendi filloi të zhvillonte një sistem socialist të ekonomisë së tregut, megjithatë nuk e braktisi qasjen e planifikuar.

Pas përfundimit të planeve të gjashtë dhe të shtatë pesëvjeçare në vitet 1980, u realizua sigurimi i ushqimit dhe veshmbathjes së mjaftueshme. Në periudhën e Planit të 11-të Pesëvjeçar (2006-2010), prodhimi i përgjithshëm ekonomik i Kinës u rendit në vendin e dytë në botë.

Plani i 15-të Pesëvjeçar mbart një rëndësi të jashtëzakonshme, pasi vetëm 10 vjet kanë mbetur deri në vitin 2035, një vit vendimtar kur Kina synon të “arrijë në thelb modernizimin socialist”.

Duke mbuluar periudhën 2026-2030, plani pritet të formulohet nëpërmjet një vlerësimi gjithëpërfshirës të tendencave globale dhe do të shërbejë si një hartë për zhvillimin e Kinës në përputhje me kushtet në ndryshim.