Rita Ora guxon me dekoltenë e hapur në fustanin e bardhë, ndërsa shfaqet në restorantin e “Le Costes” gjatë Javës së Modës në Paris

Rita Ora tërhoqi gjithë vëmendjen me një fustan të bardhë me dekolte të theksuar, teksa shijoi një mbrëmje në restorantin e njohur Le Costes – një ndër vendet e preferuara të yjeve gjatë Javës së Modës në Paris, të enjten në mbrëmje.

Këngëtarja e hitit Let You Love Me, 34 vjeç, dukej mahnitëse me fustanin elegant midi që i nxirrte në pah linjat trupore dhe kishte një prerje transparente në pjesën e përparme.

Ajo e plotësoi pamjen me taka të larta në ngjyrë të bardhë dhe syze dielli ovale të zeza, duke ruajtur një profil më diskret, shkruan DailyMail.

Teksa doli nga restoranti, Rita iu dorëzua të ftohtit dhe veshi mbi fustanin glamuroz një pallto të gjatë të zezë.

Paraqitja e saj në kryeqytetin francez vjen pak ditë pasi ajo fitoi betejën ligjore me fqinjët e saj, të cilët kundërshtonin ndërtimin e një palestre moderne në kopshtin e vilës së saj luksoze prej 7.5 milionë funtesh në Londër.

Planet e këngëtares kishin ngjallur zemërim te banorët lokalë, të cilët frikësoheshin se palestra do të prishte qetësinë e zonës dhe do të shkatërronte ekosistemin natyror.

Ata e akuzonin Ritën për “shkatërrim të biodiversitetit në mënyrë që të ndërtonte një palestër moderne”, duke theksuar se dyert e mëdha xhami do ta bënin hapësirën të funksiononte më shumë si një “pavijon drite dhe zhurme”.

Një i tërë bllok banesash në afërsi, së bashku me rrugën ku ndodhet shtëpia dhe dy rrugë fqinje, kishin dërguar një ankesë kolektive, duke e cilësuar projektin si një “pamje të shëmtuar” që binte ndesh me karakterin historik të pronës.

Në ankesë, fqinjët shkruanin: “Banorët që kanë zgjedhur këtë zonë për qetësinë e saj, nuk duhet të detyrohen të jetojnë me dritë artificiale, zhurma të amplifikuara apo humbje të privatësisë. Edhe pse përmendet izolim akustik, prania e dyerve të palosshme sugjeron se muzika dhe zërat mund të dëgjohen në çdo orë të ditës apo natës”.

Ata shtonin gjithashtu se “projekti është hartuar duke minimizuar ndikimin te pronarja, por me pak vëmendje ndaj pasojave negative për fqinjët përreth”.

Në një pjesë tjetër të letrës, banorët i kujtonin vetë Ritës një deklaratë të mëparshme të saj, ku ajo e kishte përshkruar kopshtin e vilës si një “parajsë të gjelbër sekrete” dhe strehë për zogjtë e shumtë dhe fluturat.

Në një video të publikuar në YouTube, Rita kishte thënë me entuziazëm: “Thjesht vendosim një qilim ose një batanije këtu dhe kalojmë kohën më të bukur duke u ulur, duke u çlodhur e duke nuhatur lulet. Kjo është ajo që bëjmë”.