Shefi i NATO-s: Putinit po i mbarojnë paratë, trupat dhe idetë

Shefi i NATO-s i është drejtuar mediave në Britani së fundmi.

Ai tha se takimi i Koalicionit të Vullnetarëve ishte “shumë produktiv” dhe mirëpret iniciativën e treguar nga aleatët për të forcuar mbështetjen e tyre për Ukrainën.

“Vladimir Putin po fiton pak terren në vijat e frontit të Ukrainës dhe qindra mijëra rusë po vdesin për agresionin e tij të mashtruar”, tha Rutte.

Ai shtoi: “Zhvillimet në fushën e betejës tregojnë se mbështetja jonë për Ukrainën po funksionon dhe ne duhet ta vazhdojmë atë.”

“Putinit po i mbarojnë paratë, trupat dhe idetë dhe Rusia duhet të ndalet aty ku është”, deklaroi Rutte.

Ndryshe, prania e Rutte në Londër vjen pasi ai zhvilloi bisedime me Donald Trump në Shtëpinë e Bardhë të mërkurën.