Talentët e Shkëndijës nga f.Negotinë e Gostivarit shkëlqejnë në Barcelonë: Vlezërit Jon dhe Rroj Shuajibi pjesë e Barça Clinic!

Në maj të këtij viti, Klubi gigant Barcelona mbërriti në Prishtinë për të zbuluar talentet e rinj të futbollit në rajon. Ndër qindra pjesëmarrës, Jon Shuajibi dhe Rroj Shuajibi spikatën me aftësitë e tyre teknike, disiplinën dhe përkushtimin në fushë, duke u përzgjedhur në grupin elitë “High Potential”.

Pas këtij suksesi, dy vëllezërit morën pjesë në kampin Barça Camp North Macedonia që u zhvillua nga 10 deri më 15 qershor 2025, ku edhe një herë dëshmuan pasionin dhe vullnetin e tyre të jashtëzakonshëm.

Falë punës së pandalshme në akadaminë e futbollit Shkëndija dhe përkushtimit të tyre, Jon dhe Rroj morën ftesën zyrtare nga Barça Clinic, një mundësi unike për të qenë pjesë e akademisë më të njohur në botë. Aktualisht ata ndodhen në Barcelonë, duke ndjekur trajnime profesionale dhe duke përjetuar ëndrrën që çdo fëmijë futbolli e ka — të jenë pjesë e FC Barcelonës.

Dy vëllezërit janë lojtarë të klubit FC Shkëndija në gjeneratat e ndryshme si

Jon Shuajibi gjenerata 2014 luan në rolin e sulmuesit të majtë,

ndërsa Rroj Shuajibi gjenerata 2016 është mesfushor kreativ.

Suksesi i tyre është shembull frymëzues për të gjithë të rinjtë që besojnë se me pasion, punë dhe besim në vetvete, edhe ëndrrat më të mëdha mund të bëhen realitet.