Vesa Vllasaliu pothuajse e zyrtarizon lidhjen me Mirlind Dakun: “Një vit bashkë”

Influencerja e njohur kosovare, Vesa Vllasaliu, ka ndezur rrjetet sociale me postimin e saj më të fundit, ku shihet përkrah futbollistit të kombëtares shqiptare, Mirlind Daku.

Dyshja, e cila prej kohësh është komentuar për një romancë mes tyre, duket se ka vendosur të mos e fshehë më marrëdhënien.

Vesa ka ndarë në Instagram disa fotografi intime me Dakun, duke zbuluar se ata kanë festuar njëvjetorin e lidhjes së tyre. Në mbishkrimin e postimit, influencerja la të kuptohet se lidhja me futbollistin është tashmë një histori e konsoliduar.

Në imazhet e shpërndara, çifti shihet i buzëqeshur dhe i lumtur pranë njëri-tjetrit, ndërsa urimet nga miqtë dhe ndjekësit nuk kanë munguar. Komentet kanë vërshuar menjëherë, ku shumica i urojnë fat dhe dashuri çiftit që prej kohësh është në qendër të vëmendjes së mediave rozë.

Vesa Vllasaliu dhe Mirlind Daku janë ndër emrat më të përfolur të momentit në showbiz dhe sportin shqiptar. Çdo paraqitje e tyre në publik, qoftë në evente apo në rrjetet sociale, kthehet në lajm dhe shkakton reagime të shumta.

Daku, i cili ka fituar popullaritet me paraqitjet e tij në fushën e gjelbër dhe me golat e shënuar për kombëtaren kuqezi, duket se po shkëlqen edhe jashtë futbollit, duke u bërë pjesë e një prej lidhjeve më të komentuara të vitit.

Nga ana tjetër, Vesa, e cila njihet për stilin e saj dhe ndikimin në rrjete sociale, po e shijon këtë periudhë të lumtur pranë futbollistit.

Ky publikim i fundit shihet si një pothuajse “zyrtarizim” i lidhjes së tyre, duke i dhënë fund spekulimeve të shumta që qarkullonin muajve të fundit.