“Votat e VMRO-së për VLEN-in në Saraj dallojnë sikur kur i premë me skallper” – Ramadani thotë se është fitues i votës shqiptare (VIDEO)

Nuk e shoh veten humbës sepse kam marrë votën e shqiptarëve, kështu është shprehur Blerant Ramadani për zgjedhjet në Saraj.

Ai tha se VLEN në Saraj arriti të fitojë falë votave të VMRO-DPMNE-së.

“Nëse e krahasoni votën shqiptare në Saraj, ne kemi dalë fitues, por falë votave të VMRO-DPMNE-së, që janë sikur i pret me skallper, preciz, që janë transferuar te kundërkandidati, arritën ta fitojnë Komunën e Sarajit, por kjo nuk do të thotë se kam humbur. Unë jam krenar dhe e shoh veten fitues sepse kisha nderin ta udhëheq një nga fushatat më profesionale dhe më të qeta e demokratike për të fituar vullnetin e banorëve të Sarajit”, tha Ramadani.