Berovë: Rojtari i pyjeve akuzohet për keqpërdorim detyre – lëshoi dokumente të rreme për drurë shtetërorë

Zyra e Jashtme e Çështjeve Kriminalistike Berovë ka ngritur kallëzim penal kundër B.T. (54) nga fshati Smojmirovë, rrethina e Berovës, i cili dyshohet për veprën penale “keqpërdorimi i detyrës dhe autorizimit zyrtar”.

Sipas të dhënave zyrtare, i denoncuari – i punësuar si rojtar pylli dhe i autorizuar për të pranuar asortimentet drusore nga pyjet private dhe për të lëshuar dokumentacion për transport – në disa raste ka lëshuar leje dhe dokumente zyrtare për sasi të druve prej 38.43 metra kub, pa verifikuar situatën faktike dhe pa konstatuar prejardhjen e masës drurore.

Hetimi ka konstatuar se masa drurore për të cilën ai ka lëshuar dokumentet nuk ka qenë nga pyje private, por nga pyje në pronësi të Republikës së Maqedonisë së Veriut, gjë të cilën B.T. dyshohet se e ka ditur.

Materialet e rastit janë dorëzuar për procedurë të mëtejshme.