I mashtrojnë qytetarët në emër të drejtorit për Siguri Publike

Qytetarët kohëve të fundit kanë pranuar email-e të rreme, në të cilat shkruan se po hetohen për drogë ose raste pedofilie.
Ministria e Punëve Brendshme (MPB) i informon qytetarët se këto janë mesazhe të rreme, që nuk dërgohen nga Byroja për Siguri Publike e Ministrisë së Punëve të Brendshme.
Ministria e Brendshme i paralajmëron qytetarët të jenë të kujdesshëm dhe të mos hapin email-e të rreme në emër të drejtorit të Byrosë së Sigurisë Publike (BBS).
Ministria e Brendshme njoftoi se disa qytetarëve u janë dërguar ftesa të rreme nga autorë që paraqiten në mënyrë të rreme në emër të Drejtorit të Byrosë së Sigurisë Publike në lidhje me një hetim të supozuar në vazhdim. Mesazhet japin udhëzime për të shkuar në një stacion policie brenda 24 orëve ose për të dërguar një email kthimi sepse marrësi i mesazhit dyshohet se është subjekt i hetimeve penale për një numër krimesh, të tilla si pornografia e fëmijëve, pedofilia dhe trafikimi i drogës.
Ministria e Brendshme i informon qytetarët se këto janë mesazhe të rreme që nuk dërgohen nga Byroja e Sigurisë Publike e Ministrisë së Brendshme. Këto email-e janë një përpjekje klasike për mashtrim, në të cilën qëllimi i mashtruesve është të marrin të dhënat personale të qytetarëve, me qëllim keqpërdorimin e mëtejshëm. Ftesat drejtuar qytetarëve për procedura hetimore nga Ministria e Brendshme nuk dërgohen nëpërmjet adresave të email-it.
“U bëjmë thirrje qytetarëve të mos hapin mesazhe të tilla, të mos kontaktojnë dërguesin dhe në asnjë rast të mos ndajnë të dhënat personale të kërkuara nga mashtruesit. Gjithashtu u bëjmë thirrje qytetarëve të mos hapin lidhjet dhe skedarët që dërgohen si bashkëngjitje në ndonjë mesazh email-i që vjen nga një dërgues i panjohur, me qëllim mbrojtjen e sistemit tuaj kompjuterik nga programet keqdashëse”, thuhet në Njoftimin e Ministrisë së Punëve të Brendshme.