Kallëzim penal ndaj zyrtarit të SPB Veles për punë të pandërgjegjshme në shërbim

Sektori për kontroll të brendshëm, hetime kriminale dhe standarde profesionale pranë MPB-së ka paraqitur kallëzim penal në Prokurorinë Themelore Publike Veles kundër zyrtarit N.T., për shkak të dyshimit të bazuar për kryerjen e veprës penale “punë e pandërgjegjshme në shërbim”.

I dyshuari, me pozitë referent–kontrollor në Seksionin për armë, eksploziv dhe materie të rrezikshme në SPB Veles, dyshohet se ka vepruar në kundërshtim me ligjin gjatë trajtimit të një lënde për marrjen dhe rikthimin e armës ndaj një personi ndaj të cilit ishte zhvilluar procedurë administrative. Edhe pse afati ligjor kishte kaluar, ai ka përsëritur procedurën dhe ka përgatitur një vendim të kundërligjshëm, ndonëse Komisioni Shtetëror i shkallës së dytë tashmë kishte marrë vendim me udhëzim për ngritje të padisë administrative.

Me këto veprime, i dyshuari i ka mundësuar personit rikthimin e armës dhe lejes për posedim arme.
Përveç kallëzimit penal, ndaj tij do të parashtrohet edhe propozim për procedurë disiplinore dhe masë largim nga vendi i punës.TS