Kratovë: Shoferi i një “Fiat Doblo” lëndohet rëndë pas përplasjes me gardhin mbrojtës

Më 4 nëntor 2025, rreth orës 12:15, në rrugën magjistrale pranë fshatit Stracin, në vendin e quajtur “Çatal” në rrethin e Kratovës, një automjet pasagjerësh “Fiat Doblo” me targa të Shkupit, i drejtuar nga E.S. (34) nga Shkupi, është përplasur me një gardh mbrojtës, raporton TetovaSot.

Si pasojë e aksidentit, shoferi ka pësuar lëndime të rënda trupore dhe është dërguar për trajtim në Spitalin e Përgjithshëm të Kumanovës.

Në vendngjarje është kryer inspektim nga një ekip inspektues i NJPB Kratovë, ndërsa hetimet për zbardhjen e shkaqeve të aksidentit vazhdojnë.TS