Kualifikim historik, Islam Selmani arrin finalen e Kampionatit Botëror

Islam Selmani ka shkëlqyer në gjysmëfinalen e kampionatit të karates, duke mundur me rezultat të thellë 9:1 garuesin nga Uzbekistani, Mekhriddin Turakhonov, dhe siguruar kualifikimin në finale.

Në kategorinë -60 kg, Selmani po tregon një formë të jashtëzakonshme dhe ka dominuar çdo kundërshtar deri tani.

Paraqitja e tij e fuqishme i mundësoi që të kalonte në ndeshjen vendimtare për medalje, ku do të përballet nesër me turkun Eray Samdan.

Kjo fitore i garanton Selmanit një mundësi për të luftuar për titullin dhe është një hap më afër për ta bërë krenar Kosovën. Të gjithë sytë janë tani te finalja, ku Selmani do të mundohet të shënojë një tjetër fitore të madhe.