Mucunski në Beograd në takim pune me ministrat e jashtëm të Nismës qendrore evropiane

Zgjerimi i Bashkimit Evropian, rrethanat aktuale gjeopolitike, siguria rajonale dhe domosdoshmëria për ndërlidhje të përforcuar rajonale dhe bashkëpunim ishin në fokus të bisedimeve të takimit të punës në Beograd të ministrit të Punëve të Jashtme dhe Tregtisë së Jashtme, Timço Mucunski me ministrat e jashtëm të Nismës qendrore evropiane.

“Takimi i punës me ministrat e jashtëm të Nismës qendrore evropiane. Sonte në Beograd mora pjesë në darkën e punës me ministrat e jashtëm të NQE-së. Fokusi i bisedimeve u vendosë në zgjerimin e Bashkimit Evropian, rrethanat aktuale gjeopolitike, sigurinë rajonale dhe domosdoshmërinë e ndërlidhjes dhe bashkëpunimit të përforcuar rajonal”, kumtoi Mucunski në Fejsbuk.

Në takim, siç theksoi ai, u cek rëndësia e kësaj nisme si bazë stabile për thellim të bashkëpunimit në të gjitha fushat e interesit të përbashkët, avancimit të partneriteteve dhe përbalëljes efektive me sfidat rajonale.

“Në fjalimin tim e ceka rëndësinë e ndërlidhjes dhe bashkëpunimit rajonal, të cilat u treguan si vegla kyçe për nxitje të integrimit evropian – projekti më i rëndësishëm për mbështetje të paqes, sigurisë dhe zhvillimit ekonomik të kontinentit. Më pas e konfirmova përkushtimin e plotë të rrugës evopiane – si domosdoshmëri gjeostrategjike për një rajon stabil dhe prosperues”, shtoi ministri.