Për 9 muaj nga pagesat në pikat rrugore, shteti ka fituar mbi 58 milionë euro

Të ardhurat totale nga pikë-pagesat për nëntë muajt e parë të këtij viti arrijnë në 3.611.645.604 denarë, ose 58,7 milionë euro. Në shtator të këtij viti, qarkullimi në stacionet e pagesës ishte 401.971.971 denarë, ndërsa gjatë muajve të verës, kur frekuenca e automjeteve është më e lartë, janë arkëtuar 494.308.025 denarë në gusht, 469.811.647 denarë në korrik dhe 399.325.680 denarë në qershor.

Më fitimprurësi është stacioni i pagesës Romanovce, ndërsa më të ulëta janë të ardhurat në Kadrifakovo.