Shkëndija shpartallon Maqedonija GjP me 7-2! Sileksi triumfon 5-1 ndaj Shkupit

Në dy ndeshjet e e zhvilluara sot në kuadër të javës së 13-të të Ligës së Parë të Maqedonisë, favoritët i zgjidhën sfidat në favorin e tyre që në fazën e hershme të lojës.

Shkëndija u përball me Maqedonija GjP dhe e mposhti me rezultat bindës 7–2.
Mysafirët kishin bërë shumë ndryshime në skuadër menjëherë para ndeshjes, ndaj pritej që rolin e favoritit ta kishte ekipi vendas. Mazari në minutën e 9-të dhe Ramadani në të 16-tën i dhanë epërsi të shpejtë Shkëndijës. Mysafirët arritën ta ngushtonin rezultatin në minutën e 20-të me golin e Etemit, por Maliqi në minutën e 30-të e riktheu avantazhin për ekipin e tij. Në pjesën e dytë, vendasit shënuan edhe katër gola të tjerë, ndërsa rezultati përfundimtar u vulos në minutën e 89-të.

Sileksi priti ekipin e fundit në tabelë, Shkupin, dhe dominoi ndeshjen duke marrë tre pikë të merituara me fitoren 5–1.
Vardari mbetet në krye të tabelës, i ndjekur nga Struga, Shkëndija dhe Sileksi. Më 15 nëntor, Shkëndija do ta zhvillojë ndeshjen e mbetur kundër Shkupit.