Shpat Kasapi në Big Brother VIP Albania 5?

Këngëtari i njohur Shpat Kasapi duket se është gati të bëjë rikthimin e madh në sytë e publikut, por këtë herë jo vetëm përmes muzikës.

Burime të sigurta për “Prive By Liberta Spahiu” konfirmojnë se ai do të jetë një nga banorët e shtëpisë më të famshme në Shqipëri, “Big Brother VIP 5”.

Zëra nga Tirana bëjnë të ditur se negociatat janë mbyllur dhe ftesa tashmë është pranuar.

Ky zhvillim i papritur vjen në një moment kritik për jetën private të këngëtarit, pas zhurmës së madhe mediatike për një ndarje të mundshme nga bashkëshortja e tij, Selvija. Pikërisht kjo situatë duket se do të jetë “kali i betejës” për vëmendjen brenda shtëpisë.

Nga ana tjetër, Selvija ka shuar çdo shpresë se mund të jetë vetë brenda.

E pyetur nga ndjekësit së fundmi, ajo u përgjigj prerazi: “Jo, as që dua të dal nëpër televizione më, e lëre më në Big”. Mbetet për t’u parë nëse Shpati do të zgjedhë të rrëfejë versionin e tij të historisë para milionave shikuesve, një lëvizje që pritet të gjenerojë debate të forta.