Takimi i Kryetarit Gashi me ambasadoren kineze, Xhiang Siaojan

Kryetari i Kuvendit, Afrim Gashi, realizoi takimin e parë me ambasadoren e Republikës Popullore të Kinës, Xhiang Siaojan.
Kryetari Gashi u shpreh i bindur se marrëdhëniet midis dy vendeve janë të shkëlqyera, me respekt të madh për traditën, historinë, pavarësinë dhe sovranitetin, me mbështetjen e konceptit “Një Kinë”.
Të dy vendet kanë histori të gjatë të bashkëpunimit, që nga pavarësia jonë, tre dekada respekt dhe komunikim të duhur. Kina, si fuqia e dytë ekonomike në botë, është partneri më i madh tregtar i vendit tonë jashtë Evropës. Kuvendi tradicionalisht formon Grup Parlamentar për Bashkëpunim me Kinën, i cili është lidhje midis Parlamenteve të të dy vendeve.
Bashkëpunimi zhvillohet në të gjitha fushat, si ekonomia, infrastruktura, biznesi, arsimi, kultura, sporti, ndërsa në drejtim të thellimit të tij në dobi të qytetarëve, janë edhe përpjekjet dhe iniciativat e ambasadores Siaojan.
Ambasadorja kineze i përcolli Kryetarit Gashi ftesë për të vizituar Kinën nga Presidenti i Kongresit Kinez Gjithëpopullor, e cila u pranua dhe u vlerësua si përfitim i madh në forcimin e marrëdhënieve parlamentare.