Vinicë: 33-vjeçari kërcënon me thikë bashkëqytetarin – ngrihet kallëzim penal

Zyra e Jashtme e Çështjeve Kriminalistike në Vinicë ka ngritur kallëzim penal kundër O.S. (33) nga Vinica, për shkak të bazave të dyshimit se ka kryer veprën penale “kërcënimi me mjet të rrezikshëm gjatë përleshjes ose grindjes”.

Sipas njoftimit zyrtar, më 27.09.2025, përpara një marketi në Vinicë, i dyshuari ka kërcënuar me thikë personin A.I. (32), duke ngritur dorën sikur ta godiste. Po ashtu, është konstatuar se O.S. e kishte kërcënuar A.I.-n edhe më herët përmes një rrjeti social.

Pas dokumentimit të plotë të rastit, materialet janë dorëzuar për procedurë të mëtejshme.TS