Aksident me teleferik në Itali, 100 persona shpëtohen me helikopter (VIDEO)

Të paktën katër persona u plagosën dhe 100 të tjerë u shpëtuan me helikopter dje pas një aksidenti me teleferik në një mal në Italinë veriperëndimore, thanë autoritetet lokale.

Aksidenti ndodhi kur dy kabina u përplasën në dy stacione të teleferikut të vendosur pranë fshatit Macugnaga në rajonin e Piemontes, tha shërbimi italian i zjarrfikësve.

Media të tjera italiane raportuan se gjithsej gjashtë persona kërkuan ndihmë mjekësore.

Filippo Besozzi, drejtor i përgjithshëm i operatorit të teleferikut Macugnaga Trasporti e Servizi, i tha agjencisë së lajmeve ANSA se një nga kabinat me sa duket nuk ngadalësoi siç duhej dhe goditi kangjellat e stacionit.

“Për fat të mirë, nuk ka lëndime serioze, jeta e askujt nuk është në rrezik”, shtoi ai.

Teleferiku u nxor jashtë funksionit pas aksidentit, duke lënë një grup prej rreth 100 personash, përfshirë fëmijë dhe turistë të huaj, të bllokuar për një farë kohe në stacionin e sipërm në malin Monte Moro në një lartësi prej rreth 2,800 metrash, raportuan mediat italiane.

❌ Macugnaga (VB), intervento #vigilidelfuoco, con @cnsas_official e @GDF, in corso dalle 11:30 per un incidente a due cabine della Funivia Al Moro: feriti il manovratore a valle e 3 dei 15 passeggeri a monte. In azione 2 elicotteri Drago per l’evacuazione di persone bloccate in… pic.twitter.com/6cI1H6RWY4

— Vigili del Fuoco (@vigilidelfuoco) December 30, 2025