Erdogan në mesazhin e Vitit të Ri: Nuk do të tolerojmë provokime në detet tona

Recep Tayyip Erdogan deklaroi të mërkurën se Turqia nuk do të tolerojë përdorimin e forcës, piraterinë apo provokime të tjera që kërcënojnë interesat e saj detare në Mesdheun Lindor.

Presidenti turk tha se Ankaraja po ndjek me vëmendje rreziqet për “Atdheun e saj të kaltër” – term që përdoret për kufijtë detarë turq – si dhe interesat e turqve të Qipros.

Në mesazhin e vitit të ri, të publikuar nga Presidenca turke, Erdogan tha se Turqia është e vëmendshme për tensionet në rritje në rajon dhe se do të mbrojë të drejtat dhe interesat e saj.

“Asnjëherë nuk do të tolerojmë përdorimin e forcës, piraterinë apo grabitjen në detet tona”, tha ai.

Erdogan gjithashtu u ndal te zhvillimet brenda dhe jashtë vendit gjatë vitit të kaluar, duke përmendur përpjekjet kundër terrorizmit dhe rritjen e ndihmës ekonomike dhe sociale në Turqi.

Lideri turk tha se programi ekonomik i qeverisë po jep rezultate dhe se vendi ka arritur rritje në sektorë të ndryshëm si turizmi dhe industria e mbrojtjes.

Në fjalimin e tij ai foli edhe për çështje rajonale, duke theksuar mbështetjen e Turqisë ndaj komuniteteve jashtë kufijve të saj – përfshirë politikat ndaj Sirisë dhe Gazës – dhe tha se Ankaraja nuk do të heshtë derisa përgjegjësit për vdekjen e mijëra palestinezëve të përballen me drejtësinë.

Turkish President Erdogan:

We are closely monitoring the increasing provocations and threats in the Eastern Mediterranean targeting the interests of our country and the Turkish Cypriot people.

I want it to be known that we will never turn a blind eye to fait accompli,… pic.twitter.com/FqfH6SZnyn

— Clash Report (@clashreport) December 31, 2025