Hapet Konsullata e Nderit e Austrisë në Manastir

Sot në Manastir u hap Konsullata e Austrisë, ndërsa funksionin e konsullit të nderit do ta ushtrojë manastirliu Igor Bozhinovski. Konsullata e Austrisë ndodhet në rrugën “Vjenë”.

Në ceremoninë solemne u drejtuan me fjalë ambasadori i Austrisë, Martin Pamer, ministri i Punëve të Jashtme dhe Tregtisë së Jashtme i Maqedonisë së Veriut, Timço Mucunski, konsulli Igor Bozhinovski dhe kryetari i Komunës së Manastirit, Toni Konjanovski.

Kryetari Konjanovski theksoi para të pranishmëve rëndësinë e hapjes së edhe një konsullate në Manastir, gjë që do të ndikojë në intensifikimin e bashkëpunimit me Austrinë.

“Manastiri që nga sot është më i pasur edhe me një konsullatë tjetër, kësaj radhe nga shteti mik Austria, duke ia rikthyer epitetin e Manastirit – qytet konsullor”, theksoi Konjanovski para të ftuarve, trupit diplomatik, deputetëve dhe mysafirëve të tjerë.

Me këtë, Manastiri ka gjithsej shtatë konsullata nderi dhe dy konsullata të përgjithshme.