Kapen 5.200 steka cigare të kontrabanduara në Maqedoni të fshehura nga një shtetas serb (VIDEO)

Në rastin më të fundit, Sektori për kontroll dhe hetime ka zbuluar dhe ka parandaluar me sukses një tentativë për kontrabandë të 104 pakove cigare me gjithsej 5.200 steka cigare.
Kamioni, i cili ishte paraqitur si i zbrazët në dalje nga shteti në vendkalimin kufitar Novo Sellë, u përzgjodh për kontroll të detajuar doganor.
Kontrolli u krye nga inspektorët e Departamentit për operacione operative, të cilët posedojnë kapacitete shumë të avancuara për zbulim.
Gjatë kontrollit të detajuar, në pjesën e përparme të gjysmërimorkios te ftohësi u zbulua një bunker i ndërtuar posaçërisht me një ndarje, ku u gjetën cigaret.
Janë ndërmarrë veprime hetimore nga inspektorët e Departamentit për hetime dhe është paraqitur kallëzim penal ndaj shoferit, shtetas serb.
Drejtoria e Doganave do të vazhdojë të zbatojë masa për sigurimin e kushteve për konkurrencë të ndershme dhe stabilitet të tregut, duke pasur në fokus parandalimin e tentative për mashtrime doganore dhe kontrabandë të duhanit dhe produkteve të duhanit.