Kina dhe Japonia në përplasje deklaratash lidhur me incidentet ajrore

Jiang Bin , zëdhënës i Ministrisë së Mbrojtjes Kombëtare kundërshtoi të hënën palën japoneze për ekzagjerimin e stërvitjes së rregullt ushtarake të Kinës si një të ashtuquajtur kërcënim për sigurinë.

Jiang i bëri deklaratat në përgjigje të një komenti nga pala japoneze, lidhur me një stërvitje fluturimi të avionëve kinezë, kohët e fundit, me bazë në transportuesit.

Duke shpjeguar incidentin, Jiang tha se më 6 dhjetor, PLANS Nangchang (101) i grupit të detyrës detare të udhëhequr nga PLANS Liaoning, njoftoi palën japoneze se grupi i detyrës do të kryente stërvitje fluturimi me bazë në transportuesit e avionëve, me anijen japoneze JS Teruzuki (116) që konfirmoi marrjen e mesazhit.

Më vonë, PLANS Nanchang (101) njoftoi përsëri palën japoneze se stërvitja pritej të fillonte në orën 3:00 pasdite dhe të zgjaste rreth gjashtë orë, kryesisht në jug të transportuesit, me JS Teruzuki (116) që konfirmoi përsëri marrjen e mesazhit, tha ai.

Në këtë sfond, avionët luftarakë japonezë ndërhynë disa herë në zonën e stërvitjes për të ngacmuar palën kineze, tha zëdhënësi, duke theksuar se pala japoneze do të mbajë të gjithë përgjegjësinë për rrezikimin e sigurisë së fluturimit.

Jiang i kërkoi palës japoneze të përballet drejtpërdrejt me thelbin e vështirësisë aktuale në marrëdhëniet Kinë-Japoni, të reflektojë seriozisht mbi gabimet dhe t’i korrigjojë ato.

Jiang iu përgjigj gjithashtu një pyetjeje tjetër të medias, lidhur me aktivitetet përkujtimore të mbajtura në mbarë Kinën, në Ditën e 12-të Kombëtare të Përkujtimit të Viktimave të Masakrës së Nanjingut.