Menduh Thaçi takon përfaqësuesin e Ambasadës Amerikane: Integrimi europian dhe partneriteti me SHBA në fokus

Sot, kryetari i Partisë Demokratike Shqiptare, z. Menduh Thaçi, ka zhvilluar një takim me shefin e Zyrës Politike dhe Ekonomike të Ambasadës së Shteteve të Bashkuara të Amerikës në Shkup, z. David Myers informon Tetovasot.

Gjatë takimit, bashkëbiseduesit kanë diskutuar çështje kyçe që lidhen me procesin e integrimit të vendit në Bashkimin Europian, si dhe forcimin e partneritetit strategjik me Shtetet e Bashkuara të Amerikës.

Z. Thaçi ka theksuar se përkushtimi i palëkundur ndaj reformave dhe avancimi i agjendës evropiane mbeten prioritet absolut për stabilitetin politik, zhvillimin demokratik dhe perspektivën euroatlantike të vendit. Ai po ashtu ka nënvizuar vendosmërinë e PDSH-së për të kontribuar në mënyrë aktive në përmbushjen e këtyre objektivave strategjike raporton Tetovasot.

Takimi u vlerësua si konstruktiv dhe në funksion të thellimit të bashkëpunimit politik dhe institucional mes palëve.